ކޮންމެ މުޖުތަމައެއްގަވެސް މައްސަލަތަކެއް ހުންނާނެ. މުހިންމީ މައްސަލަތަށް ދިމާވާ ސަބަބު ބަލާ އަބަދު ފާޑު ކިޔުން ކަމަކަށް އެހީ ޖަމިއްޔާއަކުން ނުދެކެން.

އިޖްތިމާޢީ ގިނަ މައްސަލަތަކަކީ އެކަކު އަނެކަކަށް ފަރުދީގޮތުން ވެދެވޭ އެހީން ރަނގަޅުކޮށް ހައްލުގެނެވޭނެ ކަންކަން ކަމުގައި ދެކެން. ލޯތްބާއި އޯގާތެރިކަމާއިއެކު އިޚްލާޞްތެރި އަތަކުން ނިކަމެއްޗަކަށް ދިއްކޮށްލާއެހީއަކީ އެބައިމީހުންގެ އުއްމީދު. އެއީ ދިވެހިން ދިވެހިންގެ ގޮތުގައި އިސްލާމްކަންމަތީ އޮވެ ދައްކަމުންދާ އެންމެ ރީތި އެއް ނަމޫނާ. އެހީވުމާއި އަޅާލުމުގެ ރިވެތި އަޚްލާޤް.

އެހީ ޖަމިއްޔާއަކީ ރައްޔިތުންގެ ގާތަށް ގޮސް އެމީހުންގެ ހާލަތު ބަލާހޯދަން މަސައްކަތްތަކެއް ކުރާ ޖަމިއްޔާއެއް. މިފަހަރުވެސް މިއުޅެނީ އެކަހަލަ އާއިލާތަކެއްގެ ވާހަކަ ގެނެސްދެވޭތޯ އިންޝާﷲ. އެވާހަކަތަށް އަޑުއަހާ، ބަލުމަށް ފަހު އެހީވާނަންތޯ ނިންމާނީ ތިބޭފުޅުން.  ކެރި ފޯރުންތެރިކަން ހުރި މިންވަރަކުން ދެވޭ އެއްވެސް އެހީ އަކީ ކުޑައެހީއަކަށް ނުވާނެ. މުހިއްމީ ލޯބިން ދޭއެއްޗަކަށްވުން. އިޚްލާޞްތެރިކަމާއެކު ދިއްކޮށްލެވޭ އެއްޗަކަށްވުން.

މިއޮތީ "އެހީވާނަން!" ޕްރޮޖެކްޓް.

ިގޮތުން "އެހީވާނަން" ޕްރޮޖެކްޓް ގެ ތެރެއިން މިކިޔާދެނީ އެފަދަ އެއް އާއިލާއެއްގެ ވާހަކަ.

މިވާހަކަތަށް މިކިޔާދެނީ އެފަދަ އާއިލާއެއްގެ ގާތަށް ގޮސް އަހާ އޮޅުން ފިލުވުމަށްފަހު. އެހީގެ ޓީމުން ވާހަކަތަށް އަޑުއެހި. ލޯތައް ފެންކަޅިވި. ހިތްދަތިވި ވަރު ބުނެދޭން ނޭނގެ.

އެނގޭ އެއްޗަކީ އެއީ އަޅުގަނޑުމެންގެ އަޚުންކަން. މުސްލިމުންކަން. އަޅުގަނޑުމެންނަށް ވާޖިބުތަކެއްވާކަން.

އަތްއުރާލައިގެން "ފެންނަ މަންޒަރު" ނުފެންނަ ކަމަށް ހަދައިގެން ތިބެވޭނެތޯ؟

ޔަގީނުންވެސް އަޅުގަނޑުމެންގެ ތެރެއިން ކޮންމެ މީހަކަށްވެސް ކޮށްދެވޭނެ ކޮންމެސް ކަމެއް ހުންނާނެ!

ތިރީގައިވާ ލިންކުން މިއާއިލާގެ ވާހަކަ ކިޔާލެވޭނެ.

ލިންކް: https://bit.ly/3MsBXGG