އައްޝައިޚް މުހައްމަދު އިބްރާހީމް - ނައިފަރީ

އައްޝައިޚް މުހައްމަދު އިބްރާހީމް - ނައިފަރީ

MVR 523,030

MVR 400,000 ން ލިބިއްޖެ

130.8%
1885އެހީތެރިން

الحمد لله. ޝެއިޚްގެ ބޭސްފަރުވާއަށް ކަނޑައެޅިފައިވާ ފުރަތަމަ އަމާޒު ފުރިހަމަވެއްޖެކަން އުފަލާއެކު ދަންނަވަމެވެ. މި ހެޔޮ ކަމުގައި ބައިވެރިވެވަޑައިގެންނެވި އެންމެހާ ފަރާތްތަކަށް ﷲ ސުބުޙާނަހޫ ވަތަޢާލާ ބަރަކާތް ލައްވައި، އެކަމުގެ ހެޔޮ ޖަޒާ ދެއްވުން އެދި ދުޢާ ކުރަމެވެ.

އިތުރު އެހީތެރިކަމަށް ބޭނުންވެއްޖެ ޙާލަތެއްގައި، މި ކަމަށް އަލުން ހުޅުވާލެވޭނެކަން މަޢުލޫމާތަށްޓަކައި ދަންނަވަމެވެ. މި ކޭސްގެ އެންމެ ފަހުގެ މަޢުލޫމާތުތައް (އަޕްޑޭޓްސް) މި ޕޭޖުން ލިބިވަޑައިގަންނަވާނެއެވެ. އަދި މިފަދަ އެހެން ކޭސްތަކަށް ވެސް އެހީތެރިކަން ފޯރުކޮށްދެއްވުމަށް އެދި ދަންނަވަމެވެ.

އިތުރު މަޢުލޫމާތު ހޯއްދެވުމަށް 7803433 އަށް ގުޅުއްވުން އެދެމެވެ.

ދިވެހި ރައްޔިތުން ދީނީ ގޮތުން ހޭލުންތެރި ކުރުވާ ދިވެހި މުޖްތަމައުގައި ދީނީ އިލްމު ފެތުރުމުގައި އިލްމުވެރީން ކުރަމުން ގެންދަނީ ބުރަ މަސައްކަތްތަކެކެވެ. ތަޢުރީފު ހައްގު މަސައްކަތްތަކެވެ. ބައެއް އިލްމުވެރީން, އެ ބޭފުޅުންގެ ވަރަށް ގިނަ ވަގުތު ހޭދަ ކުރައްވަނީ ދަޢުވަތު ފެތުރުމުގަ އެވެ. އާންމުންނަށް ނޭންގޭ ކަންކަން އޮޅުންފިިލުވައި ދިނުމުގަ އެވެ. އާންމުން ފޮނުވާ އެކި ސުވާލުތަކަށް ޖަވާބު ދިނުމުގަ އެވެ.
އެފަދަ އެއް ބޭފުޅަކީ އައްޝައިޚް މުހައްމަދު އިބްރާހީމް (ނައިފަރީ) އެވެ. ނައިފަރުގެ މަދްރަސަތުލް އިފްތިތާހްގެ އިސްލާމް މުދައްރިސެއްގެ ވަޒީފާ އަދާކުރައްވަމުން، ދީނީ އެކިއެކި މައުޟޫތަކަށް ފޮތް ލިޔުއްވައި، ދަރުސްތައް ދެއްވައި، އެއްވެސް ވަރުބަލިކަމެއްނެތި، ދީނީ އެކިއެކި ކަންކަމާއި ގުޅިގެން އާއްމުންނަށް އޮޅުން ނުފިލައި ހުރި ކަންކަން ފިލުވައިދޭ، އެފަރާތްތަކުގެ ސުވާލުތަކަށް ޖަވާބުދެއްވުމުގައި ރެއާއި ދުވާލު ހޭދަކުރައްވަމުން ގެންދެވިއެވެ.
ދީނީ ގޮތުން ދިވެހިން ހޭލުންތެރިކުރުމަށްޓަކައި ޝެއިޚް ދެއްވާފައިވާ ދަރުސްތަކުގެ ތެރެއިން އެންމެ ފާހަގަކޮށްލަންޖެހެނީ ތަޢުހީދާއި ގުޅިގެން ދީފައިވާ ދެއްވާފައިވާ ދަރުސްތަކެވެ. އެ މަޢުޟޫއަށް އެތަކެއް ދަރުސްތަކެއް ދެއްވާފައިވާއިރު އެ ދަރުސްތަކުން އެތައް ބަޔަކަށް ފައިދާ ކޮށްފައިވާނެ އަދި މިހާރުވެސް ކުރަމުންދާ ކަމީ ޝައްކެތް ވެސް އޮތް ކަމެއްނޫނެވެ.
ދަރުސް ތަކުގެ އިތުރުން ޝެއިޚް ވަނީ ދިވެހިބަހުން އެތަކެއް ފޮތްތަކެއް ލިޔުއްވައި އަރަބި ފޮތްތައް ތަރުޖަމާ ކުރައްވާފައިވެއެވެ. އެގޮތުން ފާހަގަކޮށްލެވޭ ފޮތްތަކުގެ ތެރޭގައި ޙިސްނުލް މުސްލިމް، ކިތާބުއް ޞިޔާމު، ނަބީބޭކަލުންގެ ތަރިކަ، ތައުޙީދުގެ ޚުލަސާ، ކިތާބުއް ޞަލާތު ފަދަ މުހިންމު އެތަކެއް ފޮތެއް ހިމެނެއެވެ.
ދީނީ ދަޢުވަތުގައި އެފަދަ ހީވާގި ކަމާއިއެކު އުޅުއްވަމުން ގެންދަވަނިކޮށް، ޝެއިޚްގެ ލޮލަށް ސިއްހީ މައްސަލަތަކެއް ދިމާވެ ލޮލުގެ ފެނުން ދައްވާން ފެށިއެވެ. އެކަމަށް ފަރުވާ ކުރެއްވުމަށް 2019 އަދި 2021 ގައިވެސް ލޮލޮގެ ސާޖަރީއެއް ހެއްދެވިއެވެ. އެއިންވެސް ލޮލަށް އެދެވޭ ފަރުވާއެއް ނުލިބި ޝެއިޚްގެ ލޮލުގެ ފެނުން ގެއްލުނެވެ.
އޭގެ ގާތްގަނޑަކަށް ދެ އަހަރުފަހުން 2023 ވަނަ އަހަރު ޝެއިޚްގެ ހާލު ދެރަވެގެން ޅ.އަތޮޅު ހޮސްޕިޓަލުގައި ފަރުވާދޭންޖެހުނެވެ. އެއަށްފަހު އިތުރު ފަރުވާއަށް މާލެ ފޮނުވާލައި އައިޖީއެމްއެޗްގައި ވެސް ވަނީ ފަރުވާ ދީފައެވެ. އެފަހުން ޝެއިޚްގެ ސިކުނޑީގައި ޓިޔުމަރެއް ހުރިކަން އެނގި އެ ޓިޔުމަރު ނެގުމަށް އޮޕަރޭޝަން ކުރަންޖެހޭތީ އޭޑީކޭ ހޮސްޕިޓަލަށް ބަދަލުކޮށް، އޭޑީކޭގެ ނިއުރޯ ސާޖަންގެ ގޮތުގައި އޭރު މަސައްކަތް ކުރެއްވި ޑރ. ޢަލީ ނިޔާފްގެ ޓީމުން ޝެއިޚްގެ ސިކުނޑީގެ އޮޕަރޭޝަންވެސް ކުރިއެވެ. 50/50 ގެ އެ އޮޕަރޭޝަން ކާމިޔާބުވެ ޝެއިޚްގެ ބަލިޙާލަތަށް ކުޑަ ލުޔެއް ލިބިގެންދިޔައެވެ.
އެހެންނަމަވެސް ލޮލުގެ ފެނުން ގެއްލި، ދިމާވި ސިއްހީ މައްސަލަތަކާހުރެ، ގާތްގަނޑަކަށް 17 އަހަރުވަންދެން ޝެއިޚް އަދާކުރައްވަމުންދިޔަ ވަޒީފާ ގެއްލި، އާމްދަނީ ލިބެމުންދިޔަ އެ މަގު ބަންދުވިއެވެ.
މިހާރު ޝެއިޚްއަށް ލިބިލައްވަނީ އެންސްޕާއިން ނުކުޅެދޭ މީހުންނަށްދޭ އެލަވަންސް އެކަންޏެވެ. ޝެއިޚް ޚަރަދު ކުރައްވަންޖެހޭ ދަރިއެއް ހުރިއިރު ބޭސްފަރުވާއަށް ޚަރަދު ކުރައްވަމުން އެކަން ކުރައްވަން ނުހަނު ދަތިތަކާ ކުރިމަތިލައްވަންޖެހެއެވެ. މިޙާލަތުގައި ޝެއިޚަށް އެހީތެރިވަމުންދަނީ ޢާއިލާގެ ފަރާތުންނާއި ހެޔޮއެދޭ ބައެއް ފަރާތްތަކުންނެވެ.
މިފަދަ ޙާލުގައިވެސް ޝެއިޚްގެ ދީނީ ދަޢުވަތު ދެއްވުމުގެ މަސައްކަތަށް ބަދަލެއް ނާދެއެވެ. ލޯފަން ހާލުގައިވެސް ދީނީ ދައުވަތު ދެވުމުގައި ދެގޮތެއްނުވެ ހުންނެވިއެވެ. 
އެގޮތުން ރަށުގައި ހުންނަވާނަމަ ކޮންމެ ހަފްތާއަކު އެންމެނަށް ބައިވެރިވެވޭނެ ހެން ކުރިއަށް ގެންދާ "މަގޭ ސުވަލަކީ" ޕްރަގްރާމްގައި ބައިވެރިވެވަޑައިގަންނަވައެވެ. ދީނީ އެކި މައުލޫމާތުތައް ހިއްސާކޮށް އާންމުންގެ ސުވާލުތަކަށް ޖަވާބު ދެއްވައެވެ.
ހަމައެހެންމެ އާއްމުންގެ މެދުގައި ދީނީ ހޭލުންތެރިކަން އިތުރުކުރުމަށް ދަރުސްތައް ދެއްވައެވެ. އެފަދަ ދަރުސްތައް ދެއްވަނީ ޝައިޚްގެ ދަރިވަރެއް ގެންގޮސް އޭނާ ލައްވާ ޝެއިޚަށް ފޮތް ކިޔާދީ، އެ އަޑުއެހި ބައިތައް ހިތަށް ނަގައިގެންނެވެ. އެތަކެއް ދަތިތަކާއެކުވެސް ހިތްވަރު ކޮށްގެން އެ މަސައްކަތް ދޫކޮށް ނުލައްވައެވެ.
ދީނީ ދަޢުވަތުގައި މިފަދަ ބުރަ މަސައްކަތް ކުރައްވަމުންދާ، އަދި ކޮށްދެއްވާފައިވާ ޝެއިޚް މިހާރުވެސް އަންނަނީ ސިއްޙީ އެކިއެކި ކަންކަމަށް ފަރުވާކުރައްވަމުންނެވެ. އެގޮތުން ހިތުގެ މައްސަލަ އާއި ހަކުރު މައްޗަށް ދިޔުމުގެ މައްސަލަ ހިމެނެއެވެ. އަދި 2023 ވަނަ އަހަރު ސިކުނޑީގެ ޓިޔުމަރު ނަގަން ކުރި އޮޕަރޭޝަނުގައި ޓިޔުމަރުގެ 75 އިންސައްތަ ނެގި އިރު، އަނެއް 25 އިންސައްތައިގެ ހާލަތު ބެލުމަށް ހަދަންޖެހިފައިވާ އެމްއާރުއައި ސްކޭން އަދިވެސް ނުހެދެއެވެ. ދޭތެއަކުން ކިޑްނީގެ މައްސަލަވެސް ކުރިމަތިވެއެވެ.
އެ ހުރިހާ ކަމަކަށް ފަރުވާ ކުރައްވަން މާލެ ދަތުރުކުރަން ޖެހޭއިރު، ލޮލުގެ ފެނުން ގެއްލިފައި ވުމުން އަބަދުވެސް އެކުގައި މީހަކު ގެންދަން ޖެހެއެވެ. އެއިން ކޮންމެ ކަމަކީވެސް އެތަކެއް ޚަރަދަކާއި ތަކުލީފެއް އުފުލަންޖެހޭ ކަންކަމެވެ. އެކަންކަމަށް ޝެއިޚް ކެތްކުރައްވަމުންދަނީ އެއްވެސް ޝަކުވާއެއް ނެތިއެވެ.
އެ ކެތްތެރި ޚިދުމަތްތެރި ޝެއިޚް ކޮށްދެއްވާފައިވާ ޚިދުމަތްތަކުގެ އަގުވަޒަންކޮށް، ޝެއިޚްގެ ދީނީ ދަޢުވަތު ދިނުމުގެ މަސައްކަތުގައި ދިމާވާ ދަތިތަކަށް ކުޑަވެސް ލުޔެއް ހޯދައިދެވެން އޮތީ ޝެއިޚްއަށް ދިވެހިންގެ ފަރާތުން އެހީ ލިބިގެންނެވެ. އެދުވަހު އަދި އަދުވެސް އަމިއްލަ ނަފްސަށްވުރެ ދީން އިސްކުރައްވައި، ދިވެހިން ދީނުގެ މަގުގައި ސާބިތުވެ ތިއްބެވުމަށް އެހީވެދެއްވި ޝެއިޚް މިވަގުތު ވަނީ ދިވެހިންގެ އެހީއަށް އިންތިހާއަށް ބޭނުންވެފައެވެ.

އައްޝައިޚް މުހައްމަދުއިބްރާހީމްގެ ބައެއް ދަރުސްތައް

  1. އުސޫލުލް ސަލާސަ
  2. ކިތާބުއް ތަޢުޙީދު
  3. އަޤީޤަތުލް ވާސިތިއްޔާ (އަޤީޤާ އަޙްލު ސުންނާ ވަލް ޖަމާޢަތް) 
  4. އަލް ދުރަރުލް މުންތަޤާތު މިނަލް ކަލިމާތިލް މުލްޤާތު (މިއީ މިހާރު ކޮންމެ ބުރާސްފަތި ދުވަހެއްގައި ކުރިއަށް ގެންދަވާ ފޮތެއް - އިންޝާﷲ ކުރިއަށް ގެންދަވާ ވަރަކަށް އަލްޕޯޑް ކުރަމުން ގެންދާނަން
  5. ޝެއިޚް މުހައްމަދު އިބްރާހިމް ލިޔުއްވާފައިވާ ފޮތްތައް
  6. ބުލޫގުލް މަރާމް

Update December 24 2025

އަޕްޑޭޓް 1:
ބޭސްފަރުވާއަށް އެހީތެރިއަކާއި އެކު ފުރުމަށް 27 ޑިސެމްބަރު 2025ވަނަ ދުވަހު މެންދުރުގެ ވަގުތެއްގައި މާލެ އައުމަށް ޓިކެޓްވަނީ ނެގިފައެވެ. ލަފާކުރެވޭ ގޮތުގައި 5 ވަރަކަށް ދުވަހު މާލޭގައި މަޑުކުރުމަށްފަހު ތައިލެންޑަށް ފުރާނެއެވެ. އިންޝާﷲ.
ފަރުވާ ހޯދުމަށް ހަމަޖެހިފައިވަނީ ތައިލެންޑްގެ ބެންކޮކް ހޮސްޕިޓަލުންނެވެ. އެގޮތުން އޮންލައިން ކޮންސަލްޓޭޝަންގެ ކަންކަން މިހާރުވަނީ ފެށިފައެވެ. 

Update December 28 2025

އަޕްޑޭޓް :2
ޝެއިޚް މުޙައްމަދު އިބްރާޙީމް މާލެ ދުރުވެއްޖެ. ޝެއިޚްގެ ބޭސްފަރުވާގެ ކަންކަން ﷲގެ އިރާދަފުޅާއެކު އެންމެ ފުރިހަމަޔަށް ދާނެކަމަށް އުންމީދުކޮށް މާތް ﷲގެ ޙަޟްރަތުން އިޚްލާޞްތެރިކަމާއެކު އެކަމަށް އެދި ދަންނަވަން. އާމީން.
@eheeofficial ޝެއިޚް މުޙައްމަދު އިބްރާޙީމް މާލެ ދުރުވެއްޖެ. ޝެއިޚްގެ ބޭސްފަރުވާގެ ކަންކަން ﷲގެ އިރާދަފުޅާއެކު އެންމެ ފުރިހަމަޔަށް ދާނެކަމަށް އުންމީދުކޮށް މާތް ﷲގެ ޙަޟްރަތުން އިޚްލާޞްތެރިކަމާއެކު އެކަމަށް އެދި ދަންނަވަން. އާމީން. @aburammu @Al Asr #sheikhnaifari ♬ original sound - EHEE JAMIYYA

Update January 03 2026

އަޕްޑޭޓް 3:
@eheeofficial މާތްﷲގެ ހެޔޮ ރަޙްމަތުން މިއަދަކީ އުފާވެރި ދުވަހެއް ♥️ ދެން އެންމެ އިންތިޒާރު ކުރެވޭ ދުވަހަކީ ޝެއިޚްގެ ލޮލުގެ ފެނުމަށް ފަރުވާ ލިބި އަނބުރާ ރާއްޖެ އަންނަ ދުވަސް ☺️ @aburammu @Al Asr ♬ original sound - EHEE JAMIYYA
الحمد لله. ގިނަ ދުވަސްތަކެއްގެ އިންތިޒާރަށްފަހު، ޝައިޚް މުޙައްމަދު އިބްރާހީމްގެ ބޭސްފަރުވާގެ ދަތުރު މިއަދު ވަނީ ފެށިފައެވެ.
މިއީ ދީލަތި އެތައް ދިވެހި ރައްޔިތުންނެއްގެ އިޚްލާޞްތެރި އެހީތެރިކަމާއެކު މަގުފަހިވި ދަތުރެކެވެ. ޝައިޚަށް އެހީތެރިވުމަށް ހުޅުވާލި ފުރުޞަތަށް ދިވެހިން ދެއްވި ތަރުޙީބާއި ބެހެއްޓެވި ލޯތްބަކީ، އެމަނިކުފާނުގެ ދުޅަހެޔޮކަމަށް އެދޭ އެތައް ހާސް ބަޔަކު ތިބިކަމުގެ ހެއްކެކެވެ. މި ވަގުތު ޝައިޚަށް އެންމެ ބޭނުންވަނީ ތިޔަ އެންމެހާ ބޭފުޅުންގެ ހެޔޮ ދުޢާއެވެ.
ބޭސްފަރުވާގެ ކަންކަން ކުރިއަށްދާ ގޮތުގެ މަޢުލޫމާތާއި، އިތުރު އެހީތެރިކަމެއް ބޭނުންވެއްޖެ ހާލަތެއްގައި "އެދިހަ" ވެބްސައިޓުގައިވާ ޝައިޚްގެ ޚާއްޞަ ޕޭޖު މެދުވެރިކޮށް އެ މަޢުލޫމާތުތައް އަދާހަމަކުރެވެމުންދާނެއެވެ. އިރާދަކުރެއްވިއްޔާ މި ދަތުރަކީ ފުރިހަމަ ޝިފާއެއް ލިބިގެންދާނެ ކާމިޔާބު ދަތުރަކަށް ވެގެންދާނެއެވެ. އާމީން.

Update January 03 2026

އަޕްޑޭޓް 4:
ޝައިޚް މުޙައްމަދު އިބްރާހީމްގެ ލޮލުގެ ފަރުވާއަށްޓަކައި ހަދަންޖެހޭ ޓެސްޓްތައް މިހާރު ދަނީ ކުރިއަށެވެ. ޝައިޚަށް އަވަސް ޝިފާއެއް މިންވަރުކޮށްދެއްވުން އެދި އެންމެހައި ބޭފުޅުން ހެޔޮ ދުޢާ ކޮށްދެއްވުމަކީ އަޅުގަނޑުމެންގެ ވަރަށް ބޮޑު އިލްތިމާސެކެވެ. ޚާއްޞަކޮށް، މި ދުވަސްވަރު ޢުމްރާގެ މަތިވެރި އަޅުކަމުގައި މަޝްޣޫލުވެވަޑައިގެން އުޅުއްވާ ބޭފުޅުން، ތިޔަ ބޭފުޅުންގެ އިޚްލާޞްތެރި ދުޢާގައި ޝައިޚް ހިމަނައިދެއްވުމަށް ދަންނަވަމެވެ.  

Update January 09 2026

އަޕްޑޭޓް 5:
ޝައިޚް މުޙައްމަދު އިބްރާހީމް ބޭސްފަރުވާއަށް ތައިލެންޑަށް ވަޑައިގަތްތާ މިއަދަށް 5 ދުވަސް ވެފައިވާއިރު، މިވަގުތުގެ އެންމެ ފަހުގެ މަޢުލޫމާތުތައް ހިއްސާކުރެއްވުމަށްޓަކައި އެހީ ޖަމިއްޔާގެ ރައީސް އަޙްމަދު އިޤްބާލް އަދި ޝައިޚްގެ ކަންކަމުގައި އެންމެ ގާތުން އެހީތެރިވެވަޑައިގަންނަވާ އަޅުގަނޑުމެންގެ އަޚް އަޙްމަދު ޙުސައިން މި ވީޑިއޯ މެދުވެރިކޮށް މަޢުލޫމާތު ދެއްވުން
@eheeofficial ޝެއިޚް މުޙައްމަދު އިބްރާހީމްގެ ބޭސްފަރުވާއަށް ތައިލެންޑަށް ދުރުވިތާ 5 ދުވަސް ވެއްޖެ. މިވަގުތު ދެވެން ހުރި މަޢުލޫމާތުތައް ހިއްސާކުރުމައްޓަކާ އެހީ ޖަމިއްޔާގެ ރައީސް އަޙްމަދު އިޤަބާލް އަދި ޝެއިޚްގެ ކަންކަމުގަ އެންމެ ގާތުން އެހީތެރިއެއް ގޮތުގަ އުޅުއްވާ އަޅުގަނޑުމެންގެ އަޚް އަޙްމަދު ޙުސައިން ވީޑިއޯއިން. @aburammu #sheikhnaifari #edhihabyehee ♬ original sound - EHEE JAMIYYA

ކެމްޕޭން ގިނަބަޔަކަށް ފޯރުކޮށްދިނުމަށް ޝެއާރ ކޮށްލަވާ

ކެމްޕޭން ގިނަބަޔަކަށް ފޯރުކޮށްދިނުމަށް ޝެއާރ ކޮށްލަވާ

އެންމެ ފަހުގެ އެހީތެރިން

ނަން ހާމަނުކުރާ އެހީތެރިއެއް

ނަން ހާމަނުކުރާ އެހީތެރިއެއް

MVR 100 | 273 ދުވަސް ކުރިން
FaseehMohamed

FaseehMohamed

MVR 100 | 273 ދުވަސް ކުރިން
ނަން ހާމަނުކުރާ އެހީތެރިއެއް

ނަން ހާމަނުކުރާ އެހީތެރިއެއް

MVR 100 | 273 ދުވަސް ކުރިން
ނަން ހާމަނުކުރާ އެހީތެރިއެއް

ނަން ހާމަނުކުރާ އެހީތެރިއެއް

MVR 100 | 273 ދުވަސް ކުރިން
ނަން ހާމަނުކުރާ އެހީތެރިއެއް

ނަން ހާމަނުކުރާ އެހީތެރިއެއް

MVR 500 | 273 ދުވަސް ކުރިން
ނަން ހާމަނުކުރާ އެހީތެރިއެއް

ނަން ހާމަނުކުރާ އެހީތެރިއެއް

MVR 100 | 273 ދުވަސް ކުރިން
ނަން ހާމަނުކުރާ އެހީތެރިއެއް

ނަން ހާމަނުކުރާ އެހީތެރިއެއް

MVR 100 | 273 ދުވަސް ކުރިން
ނަން ހާމަނުކުރާ އެހީތެރިއެއް

ނަން ހާމަނުކުރާ އެހީތެރިއެއް

MVR 100 | 273 ދުވަސް ކުރިން
ނަން ހާމަނުކުރާ އެހީތެރިއެއް

ނަން ހާމަނުކުރާ އެހީތެރިއެއް

MVR 100 | 273 ދުވަސް ކުރިން
ނަން ހާމަނުކުރާ އެހީތެރިއެއް

ނަން ހާމަނުކުރާ އެހީތެރިއެއް

MVR 500 | 273 ދުވަސް ކުރިން